ഗ്രാമപഞ്ചായത്ത് തല ട്രാഫിക് റെഗുലേറ്ററി കമ്മിറ്റി

ഗ്രാമപഞ്ചായത്ത് മേഖലയിലെ ഗതാഗത നിയന്ത്രണം, റോഡ് സുരക്ഷ, ട്രാഫിക് ക്രമീകരണം എന്നിവ കാര്യക്ഷമമാക്കുന്നതിനായി വിവിധ വകുപ്പുകളുടെ പ്രതിനിധികളെ ഉൾപ്പെടുത്തി രൂപീകരിക്കുന്ന ഏകോപന സമിതിയാണിത്.

ജില്ലാ ട്രാഫിക് റെഗുലേറ്ററി കമ്മിറ്റിയുടെ മേൽനോട്ടത്തിൽ പ്രവർത്തിക്കുന്ന ഈ പ്രാദേശിക സമിതിയുടെ ചെയർമാൻ ഗ്രാമപഞ്ചായത്ത് പ്രസിഡന്റും കൺവീനർ ജില്ലാ പോലീസ് മേധാവി നാമനിർദ്ദേശം ചെയ്യുന്ന ഉദ്യോഗസ്ഥനുമാണ്.

ഏകോപനത്തിലൂടെ സുരക്ഷിത ഗതാഗതം

ഗ്രാമപഞ്ചായത്ത്, പോലീസ്, മോട്ടോർ വാഹന വകുപ്പ്, പൊതുമരാമത്ത് വകുപ്പ് തുടങ്ങിയ വിവിധ സംവിധാനങ്ങളെ ഏകോപിപ്പിച്ച് പ്രാദേശിക തലത്തിൽ സുരക്ഷിതവും സുഗമവുമായ ഗതാഗത സംവിധാനം ഉറപ്പാക്കുന്നതിനാണ് കമ്മിറ്റിയുടെ പ്രവർത്തനം.